SuperDizionari

tirâ jù loc.v.

Cjapâ alc e cdn. e fâ fuarce par sbassâlu, fâlu vignî jù, fâlu colâ e v.i.

esemplis

"e veve cjapade Dorine par une man e cun dute fuarce le tirave jù pes scjalis"

gjavât fûr di "Chei di Muraie" di Pieri Menis

tirâ jù loc.v.

Gloti

sinonims

mandâ jù, parâ jù

esemplis

"«Bon, bon! Un vin che al à grinte, che si tache ben! » e lu tirave jù a tacis, cjalant il sofit come un gnûf paradîs"

gjavât fûr di "La tiere di Lansing" di Maria Forte

tirâ jù loc.v.

Fâ calâ di cuantitât o intensitât

esemplis

"il vuardian mi puarte la intimazion di presentâmi a paiâ sîscent e sessantesiet francs. O voi jù e là jù mi disin che o pues ricori e che al è facil che mi tirin jù cinccent francs e che lassin nome lis spesis"

gjavât fûr di "Jo, evasôr fiscâl" di Riedo Pup

tirâ jù loc.v.

Copâ, soredut cuntun proietil

sinonims

fâ la fuee, fâ la piel, fâ la scusse, copâ, dispicjâ, fâ jù, fâ la spese, fâ fûr, tirâ jù di spesis, tirâ jù di spese

esemplis

"si vicinave inviât. Po si fermà par piâ un sigaret, butant fûr grandis bocjadis di fum. "Tenente, aio di tirâlu jù? …" dissal un alpin sot vôs. "Tâs… Sta fer!""

gjavât fûr di "Sul agâr" di Pieri Menis

tirâ jù loc.v.

Scrivi o fâ une rapresentazion grafiche, soredut copiant, o ancje une fotografie

esemplis

"un gjornalist al sarà presint [tal bal], cul librut des notis e un lapis gnûf, a tirâ jù il non e sorenon des plui zentîls balarinis e dai cavalîrs plui morbinôs"

gjavât fûr di "Lis predicjis dal muini" di Josef Marchet

"ma la invenzion che pâr cuasi divine, / je la fotografie. / Pensâ che in manco di une avemarie, / cu un negozi che al pâr un canocjâl, / si tire jù un ritrat al naturâl!"

gjavât fûr di "La fotografie di Pieri Çorut" di Pieri Çorut

tirâ jù loc.v.

Dî cun fuarce e in serie

esemplis

"plen di devozion al tirave jù paternostris e avemariis"

gjavât fûr di "Il voli di chest mont" di Catarine Percude

tirâ jù loc.v.

Fevelâ mâl

sinonims

tirâ jù la piel, tirâ jù tabârs, taiâ tabârs, menâ par lenghe

esemplis

"po chei stes che da vîf lu àn sglonfât, / e tirin jù di lui subit mancjât"

gjavât fûr di "Il nestri dolôr in muart dal Arcivescul Zacarie Bricito" di Pieri Çorut

monolengâl